“Ballkani është prioritet strategjik i BE-së dhe një ndër politikat e jashtme më të rëndësishme të tij”.
Me këto fjalë, Përfaqësuesi i Lartë Josep Borrell i parapriu darkës me liderët e vendeve të Ballkanit perëndimor.
Borrell theksoi se e ardhmja e rajonit është në BE. Ai kërkoi një qëndrim të përbashkët të vendeve të Ballkanit për luftën në Ukrainë dhe paralajmëroi se cenimi i integritetit territorial të Bosnje e Hercegovinës është i papranueshëm.
Ndërkaq nga ky takim është mësuar se sot Kosova do të aplikojë për anëtarësim në Këshillin e Evropës.
Mundësinë e aplikimit e përmendi në Bruksel edhe presidenti i Serbisë Aleksander Vuçiç, i cili tha se Kosova po shkel Marrëveshjen e Brukselit dhe atë të Uashingtonit.
Përpara darkës joformale, organizuar nga Shefi i Diplomacisë së BE-së, Vuçiç u shpreh se “është e qartë se disa njerëz po punojnë për të destabilizuar të gjithë rajonin dhe Serbinë”.
LEXONI GJITHASHTU: