Ballkani, thuajse i eliminuar. Mundet në “Air Albania”, Liverpool vulos kualifikimin

Ballkani ka pësuar humbjen e 3-të në grupet e Ligës së Konferencës, ndërsa u mposht minimalisht nga Viktoria Plzen në Air Albania.

Të besuarit e Ilir Dajës zhvilluan një paraqitje pozitive, ndërsa mundën të ruajnë ekuilibrat deri në minutën e 81, aty ku miqtë gjetën golin me Sulc. Minutat në vijim nuk prodhuan asgjë, ndërsa skuadrës nga Suhareka i duhet patjetër fitorja në ndeshjen e fundit ndaj Dinamo Zagreb, për të shpresuar në një humbje të Astanës ndaj kryesuesve çekë.

Në përballjet e zhvilluara në Europa League, regjistruan fitore Liverpool, Leverkusen dhe Villareal. Anglezët arritën të sigurojnë kualifikimin në fazën me eliminim direkt të kompeticionit. 2 gola në pjesën e parë me autorë Diaz e Gakpo, ndërsa në fraksionin tjetër Salah e sërish holandezi vulosën fitoren 4-0. Në të njëjtin grup, Toulouse barazoi me Royal Union.

5 fitore në 5 ndeshje të luajtura ka Leverkuseni i cili ka hedhur kandidaturën për tu shpallur kampion i këtij sezoni. Gjermanët luajtën në transfertën e Hacken, ndërsa fituan me rezultatin 0-2. I përhershmi Boniface dhe bomber cek Patrick Schik ishin autorët e golave, me këtë të fundit që vinte pas një dëmtimi të gjatë. Roma e Mourinhos u ndal nga Servette në transfertë, edhe pse kaluan të parët në avantazh me Lukakun.

LEXONI GJITHASHTU:

• Berisha, mosbindje civile? Ironizon Lita: Shpresoj të mos jetë si e PS dhe e PD
• Kushtet për integrimin, Nesho: Arsyet pse Greqia nuk tërhiqet nga çështja “Beleri”