Një koncert bamirësie u zhvillua në qytetin bregdetar të Durrësit.

Organizuar nga dy të rinj, koncerti i mbajtur në shkollën e muzikës “Jan Kukuzeli” bëri bashkë qytetarë të të gjitha moshave dhe artistë të njohur shqiptarë.

Sipas organizatorëve, synimi ishte përcjellja e mesazhit për angazhimin e të rinjve në kauza të tilla.

Ndonëse kjo nuk është hera e parë që performojnë në Durrës, për këngëtarët Hysni Alushi dhe Enkelejda Arifi kjo herë është e veçantë.

Por ky nuk është rasti i vetëm. Dajana Gërdani prej vitesh shpërndan ndihma për familjet në nevojë.

“Kjo është  një nismë që e ne e bëjmë pothuajse çdo vit, ku për muajin e ramazanit ne kemi menduar të mbledhim disa ndihma  nga njerëz të ndryshëm dhe të ofrojmë 3-4 familjeve drekën e Bajramit ose ti ndihmojmë të kalojnë një muaj me ushqime”, thotë ajo.

Por a e kanë të rinjtë durrsakë gatishmërinë për të ndihmuar apo qenë pjesë e nismave të tilla?

Në këtë rast, e mira nuk ka fund, por ka gjithmonë vend për përmirësim.

Prandaj apeli mbetet vetëm një.

“Artistët ndihen mirë në skenë, me ose pa para gjithmonë çështjet e mira janë të mirëseardhura dhe mendoj se duhet një përkrahje nga të gjithë pa dallim”, thotë këngëtarja Enkelejda Arifi.

LEXONI GJITHASHTU:

• Zaimi: Personat me sindromën Down nuk duhet të trajtohen sikur po bën bamirësi
• Pasardhësja e Skënderbeut në Australi: Dua të bëj bamirësi në Shqipëri dhe Kosovë