Zaimi: Personat me sindromën Down nuk duhet të trajtohen sikur po bën bamirësi

Emanuela Zaimi, themeluese e Down Syndrome Albania, thotë se personat me sindromën Down nuk duhet të trajtohen sikur po bën bamirësi.

Në emisionin “Good Morning Albanians” në Euronews Albania, Zaimi u shpreh se për këta persona, ka një ndërgjegjësim shumë të madh në komunitet.

“Ka një ndërgjegjësim shumë të madh, pra mes nesh le të themi. Ka edhe përmirësime në kuadrin ligjor të ligjeve për personat me aftësi të kufizuara. Në Shqipëri nuk kemi ligje të veçanta. Në zbatim nuk jemi përsëri aty ku duhet. Personat me sindromën Down nuk mund të trajtohen për bamirësi”, theksoi ajo.

21 marsi shënon përvjetorin e radhës Ditës Botërore të Sindromës Down. Çdo vit, zëri i personave me këtë sindromë, si dhe i personave që jetojnë apo punojnë me ta, bëhet më i fortë.

Në këtë ditë, organizmat që punojnë për këtë çështje organizojnë dhe marrin pjesë në aktivitete që synojnë rritjen e ndërgjegjësimit të publikut  për sindromën Down.

LEXONI GJITHASHTU

• “Traumat nga fëmijëria”, stomatologia: Të rriturit e kanë më shumë frikë dentistin
• Stomatologia: Dhëmbët duhen larë për jo më pak se 2 minuta