“Traumat nga fëmijëria”, stomatologia: Të rriturit e kanë më shumë frikë dentistin

Stomatologia Alba Myrto tha se arsyeja se përse kur shkojmë te dentist ndihemi të stresuar dhe të shqetësuar ka të bëjë edhe me trauma të së shkuarës.

E ftuar në emisionin “Good Morning Albania”, ajo tha se shpesh janë të rriturit ata që janë më të frikësuar dhe që kanë një ndjesi të keqe përballë dentistit, pasi sipas saj kjo varet edhe nga qasja e parë që ata kanë pasur me dentistin. Sipas stomatologes, tani ka një qasje tjetër ndaj dentistëve, pasi prindërit i çojnë fëmijët pa i nisur dhimbjet.

“Në momentin në të cilin shkohet te dentisti me dhimbje që pa shkuar te dentisti je i frikësuar. Por në momentin që shkohet te dentisti përveç dhimbjes aktuale, janë edhe eksperienca t e të shkuarës. Ato ndikojnë shumë që të krijohen minitraumat.

Sidomos të rriturit kanë një dhe një ndjesi shumë të shëmtuar ndaj dentistit. Varet nga mënyra se si janë përballur me dentistin. Sot prindërit i sjellin fëmijët pa shkaktuar një dhimbje, në mënyrë që të bëjnë florizimin e dhëmbëve dhe të parandalojnë kariesin dentar dhe për të parandaluar sëmundjet e gojës”, -tha për Euronews Albania stomatologia Alba Myrto.

LEXONI GJITHASHTU:

• Stomatologia: Dhëmbët duhen larë për jo më pak se 2 minuta
• Gazetari: Sjellja pozitive e Kosovës humbje, i forti ka marrë atë që do