Banka Qendrore e Rusisë thirrje për qetësi pas dyndjes për të tërhequr para

Banka Qendrore e Rusisë ka bërë bën thirrje për qetësi mes frikës se sanksionet e reja financiare mund të nxisin largim masiv nga bankat e saj.

Reagimi erdhi pas publikimit të pamjeve që tregonin radhë të gjata njerëz që përpiqeshin të tërhiqnin paratë e tyre nga bankat.

“Banka e Rusisë ka burimet dhe mjetet e nevojshme për të ruajtur stabilitetin financiar dhe për të siguruar vazhdimësinë operacionale të sektorit financiar”, thuhet në një deklaratë të bankës.

Të shtunën, Evropa, SHBA, Britania e Madhe dhe Kanadaja njoftuan se asetet e Bankës Qendrore të Rusisë do të ngrijnë. Ajo ka rezerva prej rreth 630 miliardë dollarë (470 miliardë paund).

Evropa, SHBA dhe aleatët e saj kanë njoftuar gjithashtu se një numër bankash ruse do të hiqen nga Sëift, sistemi ndërkombëtar i pagesave i cili është thelbësor për transaksionin e sigurt të parave në mbarë botën.

Analistët parashikojnë që të hënën, kur shumica e tregjeve të rihapen, vlera e rublës do të bjerë – dhe rusët mund të nxitojnë të tërheqin paratë e tyre nga bankat.

LEXONI GJITHASHTU:

• Radhë të gjata në bankat e Rusisë pas përjashtimit nga sistemi SWIFT
• BE dhe SHBA bien dakord të përjashtojnë nga SWIFT disa banka ruse