Banorët e Fierzës kallëzojnë në SPAK kryetarin e Bashkisë Tropojë

Banorët e Njësisë Administrative Fierzë kanë kallëzuar në SPAK kryetarin e Bashkisë Tropojë, Rexh Byberajn.

Sipas banorëve të zonës, kryebashkiaku i Tropojës ka favorizuar kushurinjtë e tij në lidhje me një gurore në zonë, në kundërshtim të hapur të ligjit për konfliktin e interesit.

Në denoncimin e firmosur nga 320 banorë të zonës, është kallëzuar në Prokurorinë e Posaçme dhe përfaqësuesi i firmës së gurores  Avni Byberit, si dhe shef i komisaritatit të Tropojës Përparim Allmuça me akuzën e “ Korrupsionit pasiv e aktiv i fuksionarit të lartë shtetërorë ose i të zgjedhurit vendor”

Ndërkohë raportohet se këtë të hënë IKMT ka ndërhyrë në objektin ku po ndërtohet fabrika e bitumit duke shembur strukturat e betonit.

“Ne kallëzuesit jemi banorë të Bashkisë Tropojë, ku po bëjmë rreth 3 vjet që sorollatemi nga kryetari i bashkisë Rexhe Byberi duke mos gjetur zgjidhje. Kryetari i bashkisë Tropojë Rexhe Byberi është i përfshirë në  aktivitete kriminale , dhe për këtë arsye jemi duke bërë këtë kallzim  ku e akuzojmë për veprën penale të “Shpërdorimit të detyrës” parashikuar nga neni 248 i K.Penale  dhe për veprën penale të “Korrupsioni pasiv i funksionarëve të lartë shtetërorë ose i të zgjedhurve vendor”.

Këtë aktivitet kriminal ky kryetar bashkie e ushtron me djemtë e xhaxhait të tij ku një prej tyre është dhe i kallzuari prej nesh Avni Byberi, akuzuar për veprën penale të “Korrupsioni aktiv  i funksionarëve të lartë shtetërorë ose i të zgjedhurve vendor” parashikuar nga neni 245 i Kodit Penal dhe “Pastrim i produkteve të veprës penale” të parashikuar nga neni 287 i K.Penal.”, thuhet në denoncimine  banorëve.

LEXONI GJITHASHTU:

• 3659 bimë kanabis të djegura në Tropojë, në kërkim kultivuesit
• “Beteja” për Këshillat, LZHK e BD pretendime për Memaliajn, Pukën e Tropojën