Barcelona prezanton zyrtarisht trajnerin e ri, nënshkruan me teknikun gjerman

Ashtu siç u përfol prej javësh, tanimë është zyrtare, Hansi Flick, është trajner i ri i Barcelonës.

Gjermani është zyrtarizuar këtë të mërkurë, ndërsa në faqen zyrtare të klubit janë publikuar dhe pamjet nga prezantimi i tij. 59-vjeçari ka firmosur një kontratë 2 vjeçare që e mban atë lidhur me katalanasit deri në 2026-ën, ndërsa padyshim objketivat kryesorë janë fitimi i titullit në Spanjë si dhe performanca në Champions League.

Më herët ai ia ka dalë të fitojë këtë trofe, madje duke rrëmbyer tripletën me Bayernin, ku fitoi Bundesligën, Kupën dhe Ligën e Kampionëve.

Flick e ka nisur karrierën si trajner në vitin 1996, ku më vonë drejtoi dhe Hoffenheimin, por bujën më të madhe e ka bërë pas 2019-ës, ku më pas fitoi dhe tripletën me bavarezët. Nga ajo kohë kanë kaluar disa vite, ndërsa Bayerni nuk po gjen ende trajner, me emrin më pranë klubit atë të Vincent Kompany.

Belgu pritet të prezantohet në krye të skuadrës, ndërsa sipas mediave gjermane firma për 3 sezone është gati, duke u bërë kështu pasuesi i Thomas Tuchel. Madje ish-mbrojtësi kampion me Manchester Cityn ka bërë gati dhe lojtarët që preferon të ketë në ekip, mes tyre dhe Jack Grealish.