Bardheblutë triumfojnë në Shkodër, Teuta fiton derbin

Tirana është skuadra me ecurinë më të mirë në 5 javët e fundit në superligën shqiptare. Bardheblutë vijojnë udhëheqjen në krye të tabelës së klasifikimit, ndërsa tashmë lufta duket se do të jetë vetëm me Partizanin. Bardheblutë mposhtën në fundjavë Vllazninë me rezultatin 0-1, ndërsa tashmë ndodhen 14 pikë para klubit shkodran. Abazaj vulosi fitoren në Loro Boriçi.

Rivalët e kryeqytetit, Partizani fitoi pa shumë vështirësi ndaj Bylisit. Demat shënuan dy gola me Rrapajn dhe Da Silvan, ndërsa goli i vetëm i ballshiotëve erdhi nga Eskerdinja. Në ndeshjet e tjera të zhvilluara, Teuta fitoi derbin me Erzenin, duke konfirmuar dhe një herë krizë ne plotë të skuadrës shijakase. 2-0 triumfuan djemtë e detit, me golat e Kallakut dhe Lorenco Vilës, ndërsa Çyrbja shpërdoroi një 11 metërsh.

Kastrioti shpreson për qëndrimin në elitë dhe këtë dëshirë e fakton fitorja ndaj Kukësit. Krutanët të cilët i zhvillojnë ndeshjet në Elbasan Arena zhvilluan një 90 minutësh pozitiv, ndërsa goli i Selmanit që në pjesën e parë vulosi 3 pikëshin. E vetmja ndeshje e mbyllur në barazim ishte ajo mes Egnatias dhe Laçit, e cila u luajt në kompleksin Partizani.

LEXONI GJITHASHTU:

• Dita e Librit në Tiranë, bashkëbisedim me fëmijët për personazhin e preferuar
• Në kërkim ndërkombëtar nga autoritetet italiane, vetëdorëzohet 36-vjeçari në Tiranë