Bardhi flet pas mbledhjes së opozitës: OSBE theksoi nevojën për reformën zgjedhore

Deputeti dhe kreu i grupit parlamentar të Partisë Demokratike, Gazment Bardhi foli pas mbledhjes me deputetët e opozitës. Ai ritheksoi edhe një herë nevojën për të bashkëpunuar për reformën zgjedhore.

Sipas tij ajo është një përgjegjësi e cila duhet të bëhet me konsensus dhe sa më shpejt. Ai tha se sipas OSBE të gjithë aktorët politik duhet të jenë pjesëmarrës në zhvillimin e reformës.

“Vijimi i farsës duke përsëritur koorporatat e vitit 2020, në një reformë të njëanshme zgjedhore që është paralajmëruar për të premten është një tjetër fasadë e atyre që për 22 muaj bllokuan reformën zgjedhore duke i mundësuar Edi Ramës zgjedhjen e 14 majit, me të njëjta problematika që OSBE- ODIHR i ka certifikuar si dhunim flagrant i zgjedhjeve në Shqipëri dhe që deklarata i ripërsërit duke i sjellë në vëmendje.

Mos u tallnim me reformën zgjedhore po vendosni në axhendë atë që vërtetë është problematika kryesore e zgjedhjeve në Shqipëri. Deformimi nga ana e mazhdorancës, i vullnetit të qytetarëve të republikës së Shqipërisë”,-tha Gazment Bardhi. Duke theksuar se reformën zgjedhore e shikon si përgjegjësi.

LEXONI GJITHASHTU:

• Dhoma e Deputetëve në Itali miraton marrëveshjen me Shqipërinë për emigrantët
• Kërkoi leje për t’u betuar si kryebashkiak i Himarës, shtyhet seanca për Belerin