Bardhi flet pas tensioneve në Kuvend: Garda provokoi situatën

Pas mbylljes së seancës së Kuvendit, kreu i grupit parlamentar të Partisë Demokratike, Gazment Bardhi deklaroi për mediat se ishte rrethimi i opozitës nga garda ajo që provokoi tensionimin e situatës në Kuvend.

Pas përjashtimit të deputetit Nallbati, Bardhi tha se në mbi 30 vite demokraci s’ka ndodhur kurrë të përjashtohen 32 deputetë të opozitës.

“Deputetët e opozitës sot u rrethuan nga garda e Republikës. Ishte mbyllur çdo derë komunikimi për deputetët e opozitës. Sjellja e gardës provokoi situatën, ndërsa ju e dini prej javësh mazhoranca e ka futur Kuvendin në një ngërç duke mos mundësuar vijimin normal të seancës së parlamentit. Kanë marrë vendime për asgjësimin e opozitës. Nuk ka ndodhur të rrëzohen kaq komisione hetimore pa dhënë një shpjegim. Nuk ka ndodhur të përjashtohen deputetët e opozitës se nuk pranojnë poshtërimin në sallën e Kuvendit,” – deklaroi Bardhi.

LEXONI GJITHASHTU:

• Vijon tensioni në Kuvend, Bardhi-Nikollës: Doni të asgjësoni opozitën
• VIDEO| Deputetët Nallbati dhe Sinaj, përplasje dhe jashtë Kuvendit