Bardhi kundër Berishës në grupin e PD: Nuk na imponohet dot një non grata

Një parti ku nuk respektohet vullneti, qëndrimi dhe vlerësimi i Grupit Parlamentar është parti personale, por jo demokratike.

Ky ishte reagimi i sekretarit të përgjithshëm të Partisë Demokratike, Gazment Bardhi pas deklaratës së Sali Berishës se do të ishte i pari që do të merrte pjesë në mbledhjen e grupit parlamentar të PD.

Përmes një postimi në Twitter Bardhi shprehet se një person i shpallur ‘non grata’ nga SHBA nuk mund t’i imponohet vullnetit të grupit të PD.

1/3. Një parti ku nuk respektohet vullneti, qëndrimi dhe vlerësimi i Grupit Parlamentar është parti personale, por jo demokratike. Askush nuk duhet ti imponohet apo injorojë mendimin e Grupit Parlamentar, kjo është përdhosje e dinjitetit të çdo deputeti.

— Gazment Bardhi (@GazmentBardhi) March 30, 2022

“Deputetët duhet të kenë të drejtë pa asnjë kompleks apo presion të bëjnë vlerësimin e tyre nëse një person i shpallur ‘non grata’ nga SHBA duhet apo jo të jetë pjesë e grupit. Deri atëherë askush nuk mund të imponohet. Çdo sjellje tjetër që i imponohet me kokëfortësi grupit parlamentar, pa pyet dhe duke e injoruar atë, është e papranueshme dhe jo demokratike”, shprehet Bardhi.

LEXONI GJITHASHTU:

• Berisha konfirmon pjesëmarrjen në mbledhjen e grupit të thirrur nga Alibeaj
• ‘Në 97 kisha gjithë botën kundër dhe nuk ika’, Berisha tregon ç’i tha Alibeajt