Bardhi prezanton raportin e opozitës për Ahmetajn: Rama ta gjejë dhe ta sjellë

Kreu i Grupit Parlamentar të PD-së, Gazment Bardhi ka prezantuar në Kuvend raportin e opozitës për heqjen e imunitetit dhe dhënien e autorizimit për arrestimin e ish-zv.kryeministrit Arben Ahmetaj.

Në fjalën e tij, ai tha se koka e aferës së inceneratorëve është kreu i qeverisë Edi Rama, duke theksuar se të gjithë ministrat që janë në burg duhet t’i lirojnë qelinë këtij të fundit.

Mes të tjerash ai nënvizoi se Rama duhet të gjejë Ahmetajn, dhe ta çojë para drejtësisë.

“Unë i sugjerojë që Ahmetaj të bëhet bashkëpunëtor i drejtësisë. Të gjithë ato ministra që janë në burg duhet t’i lirojnë Ramës qelinë. Ideatori i aferës së inceneratorëve  nuk është as miqësia Zoto- Mërtiri e Ahmetaj, as Damian Gjiknuri, as Lefter Koka, por vetëm Edi Rama.  Rama vuri në lëvizje bashkitë, miratoi 17 vendime pa i shqyrtuar. Rama ka fuqinë që të detyrojë deputetët të votojnë ligjet që harton Klodian Zoto. Sot që ne flasim Mërtiri dhe Zoto përlajnë mijëra euro nga inceneratorët që nuk punojnë.  Nëse Rama nuk do ishte i përfshirë në këtë aferë  do të kishte urdhëruar gjetjen e Ahmetajt. Lajmëtari i Ah metajt dhe personi që i mundësoi Ahmetajt të dalë jashtë. Prandaj secili prej nesh duhet t’i kërkojë Ramës të dorëzojë para drejtësisë Ahmetaj. Ai duhet të kthejë paratë në buxhetin e shtetit dhe të vuajë dënimin”- tha ai.

LEXONI GJITHASHTU:

• Bardhi prezanton raportin e opozitës për Ahmetajn: Rama ta gjejë dhe ta sjellë
• PS i hap rrugë arrestimit të Ahmetajt, raporti i mazhorancës për ish-ministrin