Bardhi zbulon vendimin e grupit për Salianjin: Propozuam ngujimin në seli, por…

Kreu i grupit parlamentar të Partisë Demoratike, Gamend Bardhi, mbajti këtë të premte një konferencë për media ku zbuloi vendimin e grupit parlamentar në lidhje me dënimin me 1 vit burg deputeti Ervin Salianji.

Sipas Bardhit grupi parlamentar vendosi me unanimitet të plotë ngujimin në seli për të mos lejuar arrestimin me urdhër politik të Salianjit. Por sipas tij ishte vetë deputeti i cil ka zgjedhur të vijojë përballjen me të keqen edhe me koston e të shkuarit në m ënyrë të padrejtë në burg.

Bardhi tha se iopozita do të vijojë aksionin opozitar, ku tha se më datë 6 tetor pritet të mbahet protesta e parë, por shtoi se kundërshtimi i këtij vendimi do të vijojë me mosbindjen civile në çdo rrugë e shesh.

“Qëndrimi i grupit parlamentar të Partisë Demokratike ndaj kësaj padrejtësie është se ne nuk duhet të pajtohemi, nuk duhet t’i nënshtrohemi. Për këtë arsye, qëndrimi unanim i të gjithë kolegëve të grupit parlamentar ka qenë kërkesa ndaj kolegut Salianji që të mos e zbatojë vendimin politik të Edi Ramës, të firmosur nga tre gjyqtarët e Apelit.

Sot është dënuar çdo anëtar i grupit të PD, çdo anëtar i Partisë Demokratike dhe çdo qytetar i Shqipërisë që ka vendosur të jetojë në këtë vend dhe të luftojë më të mirën për veten dhe familjen.

Prandaj, grupi i PD sugjeroi ngujimin pa afat të deputetëve në selinë e PD. Ky ishte vendimi politik i grupit, por në këtë rast jemi të detyruar të respektojmë vendimin personal të deputetit Ervin Salianji, i cili përballet me të keqen dhe me koston e të shkuarit në mënyrë të padrejtë në burgun politik që i ka caktuar Edi Rama”, tha Bardhi.

LEXONI GJITHASHTU:

• Apeli e dënoi me burg, Ervin Salianji: Betejën do e vazhdoj nga qelia
• Procesi që çoi në burg Salianjin, kallëzimi dhe beteja e humbur në dosjen “Babale”