“Baron i krimit, e dimë ku je”/ Gazetari komenton deklaratën e ambasadorit të SHBA

Gazetari Ferdinant Dervishi tha në një intervistë për “Review” në Euronews Albania se një ambasador amerikan është shprehur se i dinë ku janë baronët e krimit.

Ndërsa komentonte dosjet e nxehta të SPAK, gazetari tha se Prokuroria e Posaçme po mbështetet dhe ka gjithë suportin e nevojshëm për mos t’u shqetësuar për personat që do të hetojë.

“Ky është vullneti i mirë i amerikanëve, i askujt në Shqipëri, por ka dhe raste të tjera. Për shembull me vullnet të mirë, dikur, Fatos Nano në 2002-shin ndaloi skafet. Me vullnet të mirë duke u prerë fenomeni i skafeve nga qeveria Nano, pra vullneti i mirë i kryeministrit, iku kjo linjë dhe shkoi atje ku kishte qenë historikisht. Në të njëjtën periudhë, një vit më pas, ka qenë nja ambasador amerikan që ishte për një periudhë të shkurtër kohore që hodhi tezën ‘baronë të krimit, ne e dimë ku jeni dhe ne do ju godasim’, pra pati një mbështetje sërish qeveria e Nanos nga Shtetet e Bashkuara të Amerikës për të goditur krimin, jo korrupsionin,” – u shpreh Dervishi.

LEXONI GJITHASHTU:

• OKB: Jemi të shqetësuar se po kryhen krime lufte në konfliktin Izrael-Hamas
• SPAK sekuestron 390 mijë metra tokë të biznesmenit Pëllumb Gjoka në Velipojë