Basha homazhe në nderim të ish-prefektit të Tiranës Qazim Mulleti

Kryetari i PD, Lulzim Basha, i shoqëruar nga deputetet Flutura Açka dhe Merita Bakiu ka bërë homazhe në nderim të ish-prefektit dhe kryetarit të Bashkisë të Tiranës Qazim Mulleti.

Përmes një postimi një faqen e vet në Facebook Basha shpreh ndjesën e PD për “vonesën në nderimin e figurave që i dhanë kaq shumë kombit por u denigruan dhe mbetën në errësirën e propagandës komuniste”.

“Bashkë me pendesën dhe ndjesën e thellë të PD për vonesën në nderimin e figurave që i dhanë kaq shumë kombit por u denigruan dhe mbetën në errësirën e propagandës komuniste, konfirmojmë sot vullnetin dhe vendosmërinë tonë për të hedhur të gjithë hapat e duhur për të shlyer borxhin moral që shteti dhe shoqëria ka ndaj të përndjekurve politikë dhe për nderimin e sakrificës së tyre në shërbim të lirisë dhe Atdheut”, shkruan Basha.

LEXONI GJITHASHTU:

• Mbërrijnë në Shqipëri eshtrat e ish-Prefektit të Tiranës, Qazim Mulleti
• ‘Prefekti’ rindez debatet: Komedia denigron figurën e intelektualit Qazim Mulleti