Basha i implikuar në 21 janar? Logu: Audiopërgjimi i montuar, tendencioze si provë

Avokati Besart Logu deklaroi se audiopërgjimi i publikuar së fundmi, për komunikimin në radio të ish kreut të gardës, Ndrea Prendi me vartësit e tij gjatë demonstratës së 21 janarit, është i montuar dhe tendencioze si provë.

Në një intervistë për Euronews Albania, Logu u shpreh se asokohe, kompetencën për të dhënë urdhër për hapjen e zjarrit, e kishte vetëm komandanti i Gardës së Republikës.

“Lidhur me audioregjistrimin, përveçse nuk është marrë në formën e kërkuar nga ligji, duhet të plotësojë disa kritere që të konsiderohet e ligjshme dhe të kemi një mundësi për rinisjen e një hetimi. Mua më duket tendencioze si provë, citohet në radio që të kërkon ministri, pra bëhet fjalë për zotin Basha. Por ka diçka, në ligjin për Gardën e Republikës, varësia e Gardës është administrative dhe funkionale-lëndore. Garda e Republikës në kohën e 21 janarit varej nga Ministria e Brendshme.

Ai audioregjistrim duket i montuar, tendencioz, citon ministrin e Brendshëm, ndërkohë që ministri i Brendshëm, nuk e ka kompetencë të urdhërojë vrasje me hapje zjarri, fishekë, kjo është kompetencë funksionale-lëndore. Ligjërisht nuk ka të drejtë të japë urdhër për hapoje zjarri, sepse nuk e ka këtë  kompetencë. Kjo kompetencë ishte e kreut të institucionit, zotit Ndrea Prendi”, theksoi ai.

LEXONI GJITHASHTU

• Altin Dumani e njeh dosjen e 21 janarit, gazetari Ferhati: Ka qenë prokuror në Apel
• Balla: Berisha mburret me vrasjet e 21 janarit, SPAK-u të zgjidhë çështjen

• Kur do e nxjerrësh audion e 21 janarit? Përgjigjet Artan Hoxha