Basha i përfshirë me Ramën në Portin e Durrësit? Hajdari: Nuk do surprizohesha

Ish-deputetja e Partisë Demokratike, Rudina Hajdari nuk do të surprizohej nëse ish-kryedemokrati, Lulzim Basha do të ishte përfshirë në aferën e portit të Durrësit me kryeministrin Edi Rama.

Në një inervistë për Euronews Albania, Hajdari nënvizoi se Basha është peng i Ramës që prej vitit 2017.

“Pse mos të ndodhë një gjë e tillë? Sa i përket zotit Basha, ai e ka marrë prej kohësh, që nga 2017-a, janë gjëra që ne i dimë. Sa i përket kësaj çështjeje nuk e kam këtë lloj informaconi dhe  nuk mund të them që di diçka të tillë.

Por nuk do të surprizohesha sepse ka raste të tilla që zoti Basha na ka lënë për të dëshiruar udhëheqjes së tij dhe më vjen keq që ne akoma  vuajmë pasojat e një lidershipi të dobët”, theksoi ajo.

Në deklaratën për mediat ditën e sotme kreyedemokrati. Sali Berisha akuzoi ish-kreun e kësaj partie Luzlim Basha si të bashkëpërfshirë në aferën e portit të Durrësit me kryeministrin Rama.

“Ky monizëm nuk ka të ndalur, aferat e tmerrshme të Edi Ramës janë unike në botë. Pasi ka vjedhur 420 milionë euro me firmën e tij për ndërmarrjen e tij të djegësve, vërsulet i tërbuar për të vjedhur 1 milion metër katror tokë në një sipërmarrje, shumë shpejt do e njihni, me dokumente false. 60 për qind të aksionerëve janë Edi Rama dhe Lulzim Brava dhe mafiozët e tyre. Po organizojnë në Durrësin e Shqipërisë vjedhjen më të tmerrshme në histori”, tha Berisha.

LEXONI GJITHASHTU

• Rama nuk mbledh dot aq njerëz sa në 12 nëntor, thotë Rudina Hajdari
• Rudina Hajdari për 12 nëntorin: Populli i dha mesazh Ramës, nuk ka më popullaritet
• Basha i përgjigjet Berishës pas akuzave për portin e Durrësit