Rama nuk mbledh dot aq njerëz sa në 12 nëntor, thotë Rudina Hajdari

Ish-deputetja e Partisë Demokratike, Rudina Hajdari deklaroi se kryeministri Edi Rama nuk mbledh dot aq njerëz, sa ç’mblodhi opozita më 12 nëntor.

Në një intervistë për Euronews Albania, Hajdari nënvizoi se Rama, kur ishte në opozitë, i kërcënonte njerëzit që të merrnin pjesë në protestat e tij.

“Nuk e kam parë Edi Ramën të mbledhë aq shumë njerëz, kur i mblodhi? Edi Ram, vetëm ka kërcënuar demokratët dhe protestuesit. Nëse ka pasur protesta para se të vinte në pushtet, i bënte me tytën e pushkës. Ne nuk jemi në atë lloj kategorie siç është ai që bën çdo lloj gjëje për të ardhur në pushtet. Nuk jemi në ato kushte”, theksoi ajo.

Më 12 nëntor, për rreth 3 orë, Partia Demokratike dhe Partia e Lirisë zhvilluan një protestë para Kryeministrisë.

Në protestë pati 20 folës, ndër to kryedemokrati, Sali Berisha dhe kreu i Partisë së Lirisë, Ilir Meta.

Të dy liderët, hodhën akuza në drejtim të kryeministrit Edi Rama, për shpopullimin e vendit, situatën ekonomike dhe korrupsionin.

LEXONI GJITHASHTU

• Rudina Hajdari për 12 nëntorin: Populli i dha mesazh Ramës, nuk ka më popullaritet
• Endrit Shabani akuza Ramës, Berishës dhe Metës: Të gjithë vjedhin vota
• “A e ndjeni rritjen e çmimeve?”, Blushi pyet live Koçin, si përgjigjet socialisti