Kryetari i Nismës Thurje, Endri Shabani ka hedhur akuza ndaj kryeministrit, Edi Rama, kryedemokratit, Sali Berisha dhe kreut të Partisë së Lirisë, Ilir Meta.
Në një intervistë për Euronews Albania, Shabani u shpreh se te tre vjedhin votat e qytetarëve.
Sipas tij, në këto 32 vite, të vetmit që kanë humbur janë shqiptarët.
“Këtu, Sali Berishës, Ilir Metës dhe Edi Ramës nuk ia ka vjedhur njeri votat. E para, sepse kanë qenë në pushtet, i kanë mësuar të gjitha hilet e sistemit. Unë i kam ndjekur zgjedhjet e fundit, sesi i numëronin votat. Kanë numërues, vëzhgues të parë, të dytë.
Të ankohet Sali Berisha apo Edi Rama që i vjedhin votat, këtu është çfarë të thuash. Kanë 32 vite që nuk humbasin asnjëherë, kush ka thënë që unë humba? Këtu vetëm qytetarët shqiptarë humbasin”, theksoi ai.
LEXONI GJITHASHTU
- “A e ndjeni rritjen e çmimeve?”, Blushi pyet live Koçin, si përgjigjet socialisti
- Tedi Blushi: Mesazhi i qartë i protestës, opozita shumicë legjitime në vend
- “100 herë nuk do më ndërpresësh”, Petro Koçi dhe Tedi Blushi debat për protestën
