Basha në Fier: Era e ndryshimit shihet në sytë e mbarë shqiptarëve

Kryetari i Partisë Demokratike, Lulzim Basha, vijoi sot në Fier takimet që i ndërpreu dje për shkak të ndarjes nga jeta të deputetit socialist Bashkim Fino.

Gjatë fjalës së tij përpara qytetarëve të Fierit, Basha tha se era e ndryshimit shihet në sytë e mbarë shqiptarëve.

Ai theksoi se qytetarët shqiptarë duan të kenë një vend, të i cili nderohen dhe respektohen njerëzit e punës.

“Nga Kolonja në Fier, nga hyrja e Mallakastrës në Ballash, sot si kudo tjetër nëpër Shqipëri era e ndryshimet po fryn, dielli i fitores po shndrin dhe një ditë e re për shpresën dhe besimin e çdo familje shqiptare, një e nesërme më e mirë për të gjithë dhe një Shqipëri më e drejtë që vlerëson njerëzit e punës dhe nuk i shkel me këmbë, që ju jep hakun baballarëve që rropaten për bukën e fëmijëve të e tyre”, theksoi ai.

Lideri i opozitës theksoi se nëse vjen në pushtet pas 25 prillit, pasurinë e Shqipërisë do t’ua kthejë qytetarëve.

“Që pasuritë e mahnitëse të Mallakastrës, Ballshit, të Fierit dhe të gjithë Shqipërisë ua kthen zotërve të vërtetë, që jeni ju, banorët e këtij vendi”, tha Basha.

Ai u ndal edhe në Ballsh, ku gjatë një bashkëbisedimi me naftëtarët, premtoi t’i japë zgjidhje çështjes së rafinerisë.

Lexoni gjithashtu: 

Fushata zgjedhore, Rama kritika Bashës për grumbullimet, reagon PD