Bashkëshorti i ish-ministres Olta Xhaçka në SPAK

Bashkëshorti i ish-ministres Olta Xhaçka është paraqitur në SPAK. Artan Gaçi ka qenë në Prokurorinë e Posaçme prej orës 10:00 të së premtes.

Ai është paraqitur i vetëm, një ditë pasi në SPAK u pyet kryebashkiaku i Himarës, Jorgo Goro. Burime për Euronews Albania bëjnë me dije se Gaçi është kallëzuar nga Fredi Beleri. Për të njëjtën çështje janë kallëzuar edhe Goro e vetë Xhaçka.

Mbi bashkëshortin e ish-ministres rëndon akuza e “falsimikimit të dokumenteve” dhe “pastrimit të produktit të veprës penale” të kryer në bashkëpunim.

Kujtojmë ndërkohë se më 7 prill Olta Xhaçka u paraqit në Prokurorinë e Posaçme. Ajo është marrë në pyetje në cilësinë e personit që ka dijeni në lidhje me privatizimin e bazave detare të ushtrisë.

LEXONI GJITHASHTU:

• Igli Hasani merr detyrën si ministër i Jashtëm, pritet në zyrë nga Xhaçka
• Ndërhyrjet te TIMS, Prokuroria i kërkon ndihmë SPAK: Të kryhet ekspertim kompjuterik