Ndërhyrjet te TIMS, Prokuroria i kërkon ndihmë SPAK: Të kryhet ekspertim kompjuterik

Prokuroria e Tiranës ka kërkuar ndihmën e SPAK, lidhur me hetimet që janë duke u kryer për ndërhyrja tek të dhënat e sistemit Tims.

Lidhur me këtë çështje institucioni i akuzës ka vendosur që të kryhet ekspertim kompjuterik. Për këtë, prokuroria ka kërkuar që ky ekspertim të kryhet nga ekspertët e Prokurorisë së Posaçme Kundër Korrupsionit dhe Krimit të Organizuar.

Ky vendim është marrë pasi laboratori i teknologjisë së SPAK, është një laborator elspertimi i kushteve bashkohore.

Nga hetimet e deritanishme Ervin Muça ka hyrë në zyrat ku ndodhej serveri në orët e vona të mbrëmjes, bashkë me një punonjës të AKSH Klodian Mazari.

Nga të dhënat e deritanishme mësohet se ata kanë hyrë në zyrat ku ndodhej serveri me kartën e një punonjëse të policisë e cila në atë periudhë ishte me leje.

Kujtojmë se pas kallëzimit të AMP-së për ndërhyrje të sistemit TIMS, prokuroria e Tiranës regjistroi procedim penal dhe nisi hetimet për çështjen në fjalë. Procedimi u regjistrua për Shpërdorim detyre” dhe “Ndërhyrje e pa autorizuar”.

Pas nisjes së hetimeve, Prokuroria i kërkoi AMP të marrë në pyetje të gjithë zinxhirin drejtues dhe efektivët baza që kanë pasur lidhje me rastin konkret.

LEXONI GJITHASHTU: 

• Viti 2023 mund të jetë më i nxehti në histori, preken rekorde të reja dhe në shtator
• Berisha: Nuk e maskoni dot, deklaratën e Ramës që kërkon të shkëpusë Veriun