“Bashkimi kombëtar, shkalla më e lartë e patriotizmit”/ Danaj thirrje politikanëve

Këtë të premte Barometri në Euronews Albania sjell mendimin e qytetarëve të Shqipërisë dhe Kosovës, për çështjen e Bashkimit Kombëtar.

Në këtë studim të realizuar për herë të parë në të dy vendet mes 2065 të pyeturve ballë për ballë, në të dyja vendet, qytetarët shqiptarë janë vendosur përballë pyetjeve që kanë të bëjnë me dëshirën e tyre për bashkimin kombëtar dhe gjithçka që ka të bëjë me të.

Koço Danaj, i ftuar në ‘Barometri’ në Euronews Albania u ka bërë thirrje politikanëve që të bëjnë përpjekje për bashkimin kombëtar. Sipas tij këtë gjë e thotë dhe Kushtetuta.

“Për mua Bashkimi Kombëtar  është shkalla më e lartë e atij patriotizmi që sot në Shqipëri ka filluar të quhet patriotizmi kushtetuese. Në Kushtetutën e Shqipërisë thuhet se ne populli i Shqipërisë, me aspiratën për bashkim kombëtar të të gjitha trojeve shqiptare, vendosim këtë Kushtetutë.  Politikanët, kushdo qoftë brenda territorit dhe jashtë territorit Shqipërisë,  jo vetëm Kosova por dhe në Maqedoni të Veriut. Ka një paradoks, ne kemi ditë  të shpalljes së pavarësisë në Shqipëri 28 nëntorin të 1912 , por ça është ky 28 nëntor, përveçse se Bashkimi Kombëtar”-tha ai.

LEXONI GJITHASHTU: 

• Ish-bashkëpunëtorët e Trump kritikë kundër kthimit të tij në Shtëpi të Bardhë
• Dy të vdekur dhe gjashtë të plagosur nga një sulm rus në Zaporizhia