“Bastet e Ramës për zgjedhjet lokale”- Gazetari zbulon planet e kryeministrit

Gazetari Roland Qafoku, ka zbuluar i ftuar në Euronews Albania, ato që ai i cilëson si ‘bastet’ e kryeministrit Rama për zgjedhjet lokale.

Qafoku tha se Bashkitë e Shkodrës, Durrësit, Tiranës dhe Vlorës, janë objektivat kryesorë të kryeministrit, të cilat lidhen dhe me origjinën e gjyshërve të tij.

Gazetari nënvizoi se PS ka vendosur në Shkodër bateri të karikuara mirë për të thyer bashkinë që historikisht ka qenë një bastion i djathtë.

“Me çfarë kam informacion PS ka vendosur në Shkodër bateri të karikuara mirë që kërkon ta rrëzojë këtë bastion të Partisë Demokratike. Shkodra është një lloj basti i Ramës. Mund të them se bastet e Ramës lidhen dhe me background-in e tij familjar. Lidhjet e tij, sigurisht Tirana vendi ku është lindur dhe rritur. Durrësi nga gjyshi nga i ati. Vlora nga gjyshja nga e ëma. Shkodra nga gjyshja nga i ati. Më del që Rama ka dhe ato bastionet të lidhura dhe me backgroundin familjar. Durrësi ka dhe një qiri tjetër në tortë atë të Portit dhe projektit gjigant që Rama e ka ‘bastin’ e tij”, tha Qafoku.

LEXONI GJITHASHTU:

• Edi Rama pas daljes nga spitali: Faleminderit për mbështetjen, ju dua shumë
• Dy ditë pas operacionit, Rama i rikthehet aktiviteteve