Dy ditë pas operacionit, Rama i rikthehet aktiviteteve

Kryeminstri Edi Rama i rikthehet aktiviteteve publike 2 ditë pasi iu nënshtrua një operacioni për heqjen e apendesitit.

Rama do të jetë i pranishëm në tryezën e iftarit të shtuar për besimtarët myslimanë, i shoqëruar dhe nga bashkëshortja e tij Linda Rama.

Rama u operua më 17 prillit pasi u diagnostikua me appendisit akut. Operacioni shkoi mirë dhe ai e la spitalin ditën e djeshme, një ditë pas operacionit.

Përmes një mesazhi në rrjetet sociale, Rama falënderoi të gjithë ata që janë interesuar për shëndetin e tij, veçanërisht ekipin e mjekëve dhe infermierëve për përkujdesjen e tyre.

“Një falënderim nga zemra kujtdo prej jush që këto ditë është interesuar për shëndetin tim. Falë ekipit të përkushtuar mjekësor dhe pas ndërhyrjes së suksesshme, sot e lashë spitalin për të vazhduar protokollin e rikuperimit në shtëpi dhe pa mundur të gjej dot fjalët e mjaftueshme për t’i falënderuar mjekët e infermierët për përkujdesjen e tyre”, shruajti Kryeministri.

LEXONI GJITHASHTU:

• Edi Rama pas daljes nga spitali: Faleminderit për mbështetjen, ju dua shumë
• U operua me urgjencë, kryeministri Rama del nga spitali