Analisti, Baton Haxhiu thotë se nuk ka asnjë përplasje mes ish-kryeministrit Berisha dhe presidentit Meta pavarësisht debatit të fundit për dekretin për Bajram Begajn.
Haxhiu tha se Berisha është person i shpallur non grata zyrtarisht ndërsa Meta “është në hije”.
“Mendoj se ky binom do të jetë bashkë pasi në një mënyrë apo tjetër i mbron fajësia e përbashkët”, u shpreh analisti.
Sipas tij, duke ua njohur “egërsinë” opozita e Berishës dhe Metës do të jetë e fortë.
“Duke ua njohur militantët se secili ka 2-3 mijë militantët që janë të gatshëm për probleme të rënda, atëherë unë e shoh problem qeverisjen opozitare të tyre. Do të jetë binomi më i parehatshëm në Ballkan”, deklaroi Haxhiu.