Baton Haxhiu: Fatkeqësi që në 5 vite s’kemi mundur të kalojmë ende në filtra 800 gjyqtarë

Analisti Baton Haxhiu tha në emisionin ‘Shock’ në Euronews Albania se është për të ardhur keq që në 5 vite nuk është arritur të filtrohen 800-1000 gjyqtarë në mënyrë që të përmbyllet procesi i vetingut.

Sipas tij, kjo vonesë ka ardhur nga fakti se sistemi i drejtësisë ka rezultuar shumë më i korruptuar se ç’është menduar kur u nis kjo reformë.

“Këtu s’kanë faj ndërkombëtarët. Faji i tyre është se e kanë filluar nga lart poshtë, ndaj Gjykata Kushtetuese është në këtë gjendje. Gabimi është se shoqëria shqiptare e ka përsosur sistemin korruptiv për disa vite dhe ndaj ka qenë i paprekshëm”, tha analisti.

Por sipas analistit Andi Bushati reforma radikale që u ndërmor në Shqipëri si në asnjë vend tjetër të Europës Perëndimor, ishte e tillë pikërisht nga fakti se dihej që sistemi i drejtësisë tek ne ishte thellësisht i korruptuar. Për Bushatin, vonesat në reformë janë të pajustifikuara.

LEXONI GJITHASHTU:

• ‘Afatet’ për Vetingun, Bushati: Kushtetuta nuk mund të arnohet sa herë do politika