Analisti Baton Haxhiu thotë se nëse ish-kryeministri SaliBerisha rizgjidhet në krye të PD kjo është një çështje e brendshme e demokratëve pavarësisht se me shpalljen ‘non grata’, do t’i ketë të mbyllura rrugët e komunikimit me DASH.
Haxhiu tha se tani beteja juridike për drejtimin e PD nuk ka shumë vlerë para përcaktimit me votë duke iu referuar rezultatit në zgjedhjet e pjesshme.
Ai sugjeron se në rast se ‘grupi kundër Berishës’ nuk arrin të ndalë kandidimin e tij për kryetar, atëherë duhet të presë një tjetër moment politik për të fituar betejën kundër Berishës ose duhet të krijojnë një force të re politike.
“Mazhoranca dhe zyrat i takojnë Sali Berishës. Nëse nuk fitojnë betejën për të mos rikandidur Berisha, që është e vështirë të realizohet, në të kundër ky grupim duhet të presë një moment tjetër politike ose nëse kanë guxim duhet të formojnë një parti tjetër politike”, tha Haxhiu.
Për vendimin e gjykatës, analisti Andi Bushati tha se ka një presion politik për të mbajtur opozitën të përçarë.
