Për analistin, Baton Haxhiu qëndrimi i qeverisë së Prishtinës për të mos lejuar votimin e qytetarëve serbë të Kosovës të votojnë në zgjedhjet parlamentare të Serbisë është kthim dinjiteti.
Haxhiu gjatë debatit në emisionin ‘Shock’, tha se me këtë veprim Albin Kurti
“mbajti premtimin ndaj elektoratit të tij dhe e fitoi besimin e tyre”.
Por Haxhiu thotë se deklarata e QUINT-it ishte e ashpër dhe e panevojshme, madje shqetësuese.
“T’i thuash Vuçiçit se është në rrugën evropian dhe t’i thuash Albinit që nuk është, domethënë do të thotë se je moralisht i dobët dhe politikisht i paqëndrueshëm qoftë QUINT-i apo qoftë Zoti”, tha ai.
Andi Bushati e konsideron qëndrimin e ambasadorëve “për interesa të 5 fuqive të mëdha për të përkëdhelur regjimin serb që të mos bjerë në prehrin e Putinit jo se ka ndonjë problem real politika e Prishtinës”.
