Baton Haxhiu: Tubimi i Berishës më ngjau si tubimet e dikurshme në Kamëz

Tubimi i sotëm i ish-kryeministrit Sali Berisha nuk ishte kundër Lulzim Bashës, por kundër Shteteve të Bashkuara të Amerikës. Kështu u shpreh në emisionin “shock” analisti Baton Haxhiu.

Ai thotë se tubimi i sotëm ngjasonte më tepër me tubimet, që bëheshin dikur në Kamëz.

“Realisht Berisha nuk ka bërë asgjë sot kundër Lulizm Bashës. Ai tregoi realit, ky qëndrim, ky populizëm i tij është kundër SHBA dhe nuk ka asnjë interpretim tjetër perçeve kësaj. Tubimi sot më ktheu në fjalimet, në atmosferën, që m’u duk si tubimet e dikurshme në Kamëz”, tha Haxhiu.

Sipas tij, rruga që ka zgjedhur ish-kryeministri Berisha pasi u përjashtua nga grupi parlamentar nuk do ta çojë askund.

“Ky është jo vetëm i pabesueshëm, por i rrezikshëm. Ai është dashakeqës, nëse është dikush që po e dëmton  Shqipërinë është ky njeri. Kjo rrugë nuk të çon askund, as nuk themelon parti, as nuk krijon frymë, as nuk e rrëzon Lulzim Bashën”, tha ai.