Bayern e PSG në çerekfinale/ Bavarezët përmbysën Lazion në “Allianz”

Liga e Kampionëve ka njohur dy ekipet e para çerek-finaliste e bëhet fjalë për Bayernin dhe PSG.

Bavarezët arritën të përmbysin rezultatin e ndeshjes së parë, ku në Olimpico u mposhtën 1-0, ndërsa në Allianz Arena, triumfuan në shifrat 3-0.

Në anën tjetër, parizienët i fituan të dyja përballjet, në San Sebastian sfida u mbyll në rezultatin 1-2.

Në Mynih, Bayerni vendës vinte me pak ndryshime në formacionin startues, me Tuchel që ktheu Kimmich në rolin e mbrojtësit të djathtë, me gjermanin që zhvilloi një paraqitje pozitive. Pjesa e parë tregoi një Bayern më kërkues, me Lazion që u duke se do tja vështirësonte gjërat, ku një rast i mirë u shpërdorua nga Immobile.

Kanë dhe Muller do të realizonin në fraksionin e parë, për të dërguar shfirat në 2-0, ndërsa në minutën e 66’ ishte dhe një herë britaniku që vulosi triumfin 3-0. Një rezultat që avancon më tej Bayernin, ndërsa Lazio e mbyll këtu aventurën në Champions.

Në ndeshjen tjetër, PSG fitoi ndaj Sociedad me baskët që e patën të pamundur ti bëjnë ballë kundërshtarit.

Një dygolësh i Mbappe solli fitoren e parizienëve, teksa Sociedad iu anulua një gol me autor Barrencean, teksa në minutën e 89 Mikel Merino shënoi golin e vetëm për vendësit, duke regjistruar rezultatin 1-2. Kualifikim për PSG, po ashtu dhe Bayern, teksa javën tjetër do të njohin kundërshtarët e fazës cerekfinale.

LEXONI GJITHASHTU: 

• Hyn në fuqi lëvizja e lirë e të punësuarve në Shqipëri, Serbi e RMV
• Biden presidenti i parë amerikan që nga Carter që humb zgjedhjet në Samoa Amerikane