Përfaqësuesi ushtarak i Turqisë në NATO, Gjenerallejtnant Göksel Kahya, ka marrë pjesë në inaugurimin e bazës ushtarake të NATO-s në Kuçovë gjatë ditës së sotme.
Gjatë fjalës së tij, Kahya ka thënë se mes Turqisë dhe Shqipërisë ka një marrëdhënie vëllazërore mbi 500-vjeçare.
Ai tha se marrëdhëniet mes dy vendeve janë në pikën më të mirë dhe shtoi se Turqia e sheh Shqipërinë si partner të rëndësishëm në Ballkan.
Sipas Kahya-s, baza e NATO-s në Kuçovë do i shërbejë paqes dhe sigurisë në rajon dhe më gjerë.
“Ministri i Mbrojtjes për shkak të programit të ngarkuar nuk mund të merrte pjesë në këtë ceremoni. Shqipëria është zhvilluar thuajse në çdo fushë vitet e fundit. Mes Shqipërisë dhe Turqisë ekziston një marrëdhënie vëllazërie për më shumë se 500 vite.
Si manifestim i këtyre lidhjeve vëllazërore, marrëdhëniet tona sot janë në nivelin më të lart. Vendet tona kanë mundësi të shkëlqyera bashkëpunimi në shumë fusha. Marrëveshja ushtarake që ne nënshkruam sëfundi, është e një rëndësie të veçantë.
Turqia e sheh Shqipërinë si një partner të rëndësishëm në Ballkan. NATO është organizata më e suksesshme për paqen në botë. Inaugurimi dhe modernizimi i kësaj bazë me kontributin e Turqisë, është hap i rëndësishëm për sigurinë. Baza e Kuçovës do të jetë e një rëndësie të veçantë strategjike për aleancën, paqen e sigurinë në rajon”, tha ai.
LEXONI GJITHASHTU:
- Shefi i Shtabit: Baza e Kuçovës do t’i përgjigjet kërcënimeve të aleancës nga lindja
- Hapja e bazës në Kuçovë, Vjosa Osmani: Ku është NATO, ka paqe