Shefi i Shtabit: Baza e Kuçovës do t’i përgjigjet kërcënimeve të aleancës nga lindja

Shefi i Shtabit të Përgjithshëm të Forcave të Armatosura, Arben Kingji, deklaroi gjatë ceremonisë së hapjes së bazës së NATO në Kuçovë, se baza do të jetë një infrastrukturë mbrojtjeje më e rëndësishme se kurrë.

Ai tha se kjo bazë do të ndihmojë në përgjigjjen e kërcënimeve që mund t’i lindin aleancës në krahun lindor dhe jugor të saj.

Shefi i Shtabit theksoi se baza do të shërbejë për patrullimin e hapësirës ajrore, si dhe mbështetjen e operacioneve dhe stërvitjeve të aleancës.

“Nevoja për një infrastrukturë mbrojtjeje është bërë më e rëndësishme se kurrë. Kjo bazë do të luajë një rol të rëndësishëm për t’iu përgjigjur kërcënimeve që vijnë nga kufiri jugor dhe lindor i aleancës. Njëkohësisht edhe në rritjen e aftësive tona të mbrojtjes kolektive duke promovuar ndërveprimin nëpërmjet forcave aleate dhe duke mundësuar një përgjigje të shpejtë dhe efektive ndaj çdo sfide që mund të lind. Baza ajrore Kuçovë, e vetmja e këtij lloji në Ballkanin Perëndimor do të kontribuojë në mundësimin e planit rajonal jugor-lindor në mbështetjen e operacioneve dhe stërvitjeve të aleancës, patrullimin e hapësirës ajrore, mbështetjen logjistike apo për situata të tjera”, tha Kingji.

LEXONI GJITHASHTU:

• Hapja e Bazës së Kuçovës, Rama: Element sigurie për Ballkanin, dikur i shërbente BS
• Wisner nga baza e Kuçovës: Përgëzoj bashkëpunimin e Shqipërisë me NATO-n
• Hapet baza e Kuçovës, Peleshi: Erdhi koha që të ndihet jehona e avionëve të NATO-s