English

BE-ja ndryshon kornizën negociuese për Serbinë, kusht Kosova

KOMENTE

SHPERNDAJE
ARTIKULLIN

Text sizeAa Aa

Rruga e Serbisë drejt Bashkimit Europian do të jetë e kushtëzuar nga raportet që do të ketë me fqinjin e saj Kosovën. Ky është vendimi që miratoi Këshilli i Ministrave të Bashkimit Evropian për të ndryshuar kornizën negociuese për anëtarësim me Serbinë.

- Advertisement -

Ndryshimi i vendosur nga BE ka të bëjë me kapitullin 35 të kornizës negociuese, në të cilin zbatimi i Marrëveshjes për rrugën drejt normalizimit të marrëdhënieve me Kosovën tani bëhet edhe kusht formal për Serbinë në procesin e negociatave të anëtarësimit në bllok.

Në tekstin e ri të kornizës negociuese për Serbinë si kusht është vendosur fjalia ku thuhet: “Serbia zbaton plotësisht obligimet që dalin nga Marrëveshja në rrugën drejt normalizimit të raporteve mes Kosovës dhe Serbisë, sipas Aneksit të zbatimit të saj, siç ishin pajtuar më 18 mars të vitit 2023”.

Më 27 shkurt 2023 në Bruksel, Kosova dhe Serbia kishin arritur Marrëveshjen Bazë, ndërkaq më 18 mars në Ohër, u arrit pajtimi për Aneksin e zbatimit të marrëveshjes.

Fotografia e 27 shkurtit të vitit 2023, ditën kur Kosova dhe Serbia e kanë pranuar në Bruksel marrëveshjen për normalizim marrëdhëniesh.

Komisioni Evropian dhe Shërbimi i Veprimit të Jashtëm të BE-së (EEAS), të cilat edhe kishin propozuar këto ndryshime, e kanë mirëpritur vendimin e Këshillit të Ministrave për ta miratuar ato, sipas zëdhënësit të BE-së, Peter Stano.

BE-ja insiston se marrëveshja dhe aneksi, pavarësisht se nuk janë nënshkruar nga palët, janë obligime ligjore për të dyja vendet. Nga ana tjetër, Beogradi zyrtar disa herë ka deklaruar përmes zyrtarëve të tij se nuk do të zbatojë pjesë të marrëveshjes që flet për integritetin territorial dhe pranimin e Kosovës në organizmat ndërkombëtare.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?