English

BE miraton misionin ukrainas, Hungaria: S’do kontribuojmë në stërvitjen e ushtarëve

KOMENTE

SHPERNDAJE
ARTIKULLIN

Text sizeAa Aa

Ministrat e Jashtëm të BE-së kanë miratuar në Luksemburg një nga misionet më ambicioze për mbështetjen e Ukrainës: stërvitjen e 15 mijë ushtarëve ukrainas në vende të ndryshme të Unionit.

- Advertisement -

Sipas shefit të diplomacisë evropiane, bëhet fjalë për një ndihmë jetike.

“Pasojat social-ekonomike të luftës vazhdojnë. Luftërat vazhdojnë duke dërguar tronditje në mbarë botën. Rusia është gjithnjë e më e izoluar, sikurse e pamë në votimin e mbajtur në Kombet e Bashkuara. Moralisht, politikisht dhe ushtarakisht, Rusia po e humbet këtë luftë, ndaj duhet të mbështesim Ukrainën”, tha Josep Borrell, përfaqësues i lartë i BE-së

Hungaria ishte i vetmi vend që abstenoi.

“Dua të theksoj se Hungaria nuk e votoi këtë propozim. Ne ishim të vetmit që përdorëm opsionin konstruktiv të abstenimit. Kjo do të thotë se ne nuk i ndaluam të tjerët për nisjen e këtij misioni, por Hungaria nuk e konsideron vendimin të detyrueshëm në vetvete. Kjo u bë e mundur nga legjislacioni i Bashkimit Evropian. Ne nuk do të marrim pjesë në këtë mision, nuk do të dërgojmë instruktorë dhe nuk do të kontribuojmë me mbështetje financiare”, u shpreh Peter Szijjarto, ministër i Jashtëm i Hungarisë:

Ministrat e Jashtëm të 27 vendeve anëtare miratuan gjithashtu garantimin e një pakete armatimesh me vlerë 500 milionë euro, që e çon ndihmën evropiane në 3 miliardë.

Misioni i stërvitjes ushtarake do të nisë menjëherë. Disa vende si Franca dhe Gjermania kanë filluar tashmë trajnimin e ushtarëve ukrainas.

LEXONI GJITHASHTU

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?