BE mision në Detin e Kuq, operacion për garantimin e sigurisë së anijeve tregtare

Bashkimi Evropian synon të nisë një mision ushtarak në detin e Kuq. Sipas shefit të Politikës së Jashtme, Josep Borrell, synimi është që misioni të jetë operacional brenda 17 shkurtit.

Qëllimi, theksoi Borrell, është mbrojtja e anijeve ose parandalimi i sulmeve, pa ndërmarrë asnjë aksion kundër rebelëve huthi. Për Borrell, edhe kështu misioni është i rëndësishëm.

“Ne jemi të shqetësuar për trafikun në kanalin e detit të Kuq. Shumë kompani evropiane na kërkojnë të ndërhyjmë sepse bizneset e tyre po vuajnë nga rritja e kostos dhe fakti që u duhet të shkojnë në Afrikën e Jugut dhe më pas të kthehen në Evropë. Këto po ndikojnë në rritjen e çmimeve, ndaj është jetike që të shmangen rreziqet e tjera”, tha Josep Borrell, shef i Politikës së Jashtme të BE-së.

Javën e kaluar, forcat amerikane dhe ato britanike bombarduan objektiva të shumtë nga të cilët rebelët huthi qëllonin raketa. Ishte hera e dytë që dy aleatët ndërmerrnin sulme hakmarrëse.

LEXONI GJITHASHTU:

• Rebelët e Huthit sulmojnë me raketë luftanijen amerikane në Gjirin e Adenit
• SHBA dhe Britania e Madhe nisin sulme të reja ndaj Houthis në Jemen