BE vendos sanksione kundër 26 oligarkëve rusë

Në një lëvizje të paprecedentë, Bashkimi Europian ka vendosur sanksione kundër disa prej personave më të pushtetshëm në Rusi.

Të hënën, unioni publikoi të hënë një listë me 26 individë që do të përballen me sanksione.

Në listë bëjnë pjesë:

• Sekretari i shtypit të Kremlinit, Dmitry Peskov
• Alexander Ponomarenko, kryetar i bordit të Aeroportit Ndërkombëtar Sheremetyevo në Moskë
• Igor Sechin, Drejtori Ekzekutiv i kompanisë shtetërore të naftës Rosneft
• Nikolay Tokarev, Drejtori Ekzekutiv i Transneft, kompania më e madhe në botë e tubacioneve të naftës
• Prezantues dhe gazetarë të televizionit kombëtar

BE do të sanksionojë edhe Kompaninë e Industrisë së Sigurimit të Gazit në Moskë, e cila pretendohet se ka ndihmuar aneksimin e Krimesë në 2014.

Në një deklaratë për shtyp, shefi i diplomacisë së BE, Josep Borrell, tha se unioni ka vënë në shënjestër të gjithë ata “që kanë një rol të rëndësishëm ekonomik” në regjimin e Putin.

Borrell shtoi se sanksionet do të “nxjerrin në pah pasurinë e vërtetë të elitës së Putinit” duke garantuar se ata që ndihmuan në pushtimin e Ukrainës “do të paguajnë shtrenjtë për veprimet e tyre”.

LEXONI GJITHASHTU:

• Përditësime LIVE 28 shkurt: Autokolona ushtarake mbërrin në periferinë e Kievit
• SHBA përzë 12 diplomatë rusë të OKB për arsye sigurie