Begaj pret kreun e misionit të vëzhgimit të OSBE-ODIHR: Me rëndësi një proces i lirë

Kur na ndajnë vetëm 5 ditë nga zgjedhjet e 11 majit, Presidenti i Republikës, Bajram Begaj, priti këtë të martë Ambasadorin Lamberto Zannier, kryesues i misionit të vëzhgimit të OSBE-ODIHR-it për zgjedhjet.

Biseda u fokusua në procesin zgjedhor të 11 majit, ndërsa u theksua rëndësia e zhvillimit të një procesi të drejtë, të lirë dhe të ndershëm.

Presidenti i Republikës u njoh me gjetjet e deritanishme të OSBE-ODIHR-it, ndërsa përgëzoi këtë mision që ka përfshirë në vëzhgimin e zgjedhjeve parlamentare në Shqipëri edhe organizata të tjera të rëndësishme ndërkombëtare.

Gjatë bisedës me Ambasadorin Zannier, Kreu i Shtetit vlerësoi përfshirjen për herë të parë në histori të Diasporës në votime, duke mundësuar shprehjen e vullnetit të lirë nëpërmjet votës.

LEXONI GJITHASHTU:

• DHL nuk merr zarfet me fletën e votimit mbrapsht? Shifrat e ankesave të emigrantëve
• Barometri për 11 majin: Kush është kandidati më i përshtatshëm për kryeministër