Begaj u kërkon homologëve të Kenias, Botsvanës e Sudanit të Jugut njohjen e Kosovës

Presidenti Bajram Begaj ka zhvilluar takime të ndryshme gjatë pjesëmarrjes së tij në Javën e Debatit të Përgjithshëm të  Sesionit të 78-të të Asamblesë së Përgjithshme të Kombeve të Bashkuara.

Mes takimeve kanë qenë dhe ato me presidentët nga Kenia, Botsvana dhe Sudani i Jugut. Ai u kërkoi tre homologëve të tij të njohin Republikën e Kosovës.

Gjatë takimit, presidentët nënvizuan se shkëmbimi i vizitave të nivelit politik, do t’i japë një shtysë zhvillimit të bashkëpunimit ndërmjet Shqipërisë dhe vendeve përkatëse, veçanërisht në kuadër edhe të organizatave ndërkombëtare.

Kreu i Shtetit u ndal më tej edhe te zhvillimet në rajonin e Ballkanit Perëndimor.

LEXONI GJITHASHTU:

• Asambleja e Përgjithshme në OKB, Begaj: Platformë unike bashkëpunimi, ofron shpresë
• Begaj takon Sekretarin e Përgjithshëm të Organizatës së Kombeve të Bashkuara