Behgjet Pacolli: Dy shtete të mëdha do njohin Kosovën

Kryetari i Partisë Aleanca Kosova e Re, Behgjet Pacolli deklaroi se shumë shpejt, dy shtete të mëdha do të njohin pavarësinë e Kosovës.

Në një intervistë për Euronews Albania, Pacolli u shpreh se aktualisht, këto dy shtete e njohin pasaportën e Kosovës dhe shtoi se emrat do të bëhen publike në ditët në vijim.

“Sot mund t’iu them se kam dy njohje kualitative të shteteve që e njohin pasaportën e Kosovës. Nuk kam dashur ta bëj publike dhe ato shumë shpejt do të bëhen publike. Këto shtete, të cilat e njohin pasaportën e Kosovës, presin që delegacionet nga Kosova të shkojnë të ulen dhe të lidhin marrëdhëniet diplomatike.

Nuk mund t’i them tani, por kjo është shumë e vërtetë, ka ndodhur në 10 ditët e fundit. Janë dy njohje kualitative, dy shtete të mëdha dfhe besoj se shumë shpejt do të keni edhe emrat”, theksoi ai.

LEXONI GJITHASHTU

• “Kosova humbet”, Behgjet Pacolli: S’ka njohje reciproke, Asociacioni do krijohet
• Nis takimi në Bruksel mes Albin Kurtit dhe Aleksandër Vuçiçit
• Dhuna ndaj Petraq Milos, Rama: Falendoroj Dritanin për kërkimin e ndjesës