Pedagogu Roland Bejko ka komentuar debatet e ditës së djeshme mes kryeministrit Edi Rama dhe deputetit Gazment Bardhi në seancën plenare, ndërsa është diskutuar për zgjedhjen e Avokatit të Popullit.
Në një intervistë për Euronews Albania, ai tha se Rama është i lidhur fort me oligarkët, ndërsa shtoi se këto të fundit i ka krijuar kreu i PD-së Sali Berisha.
Ndër të tjera, ai theksoi se investimet e mëdha që janë bërë, pas të cilave fshihen dhe afera korruptive, janë të favorizuara nga qeveria.
“Bardhi me reagimin e tij çoi bisturinë shumë thellë plagës së pushtetit. Në parlament ka dhunë verbale nga kryeministri drejt deputetëve, nga deputetët drejt kryeministrit. Në parlament i ka humbur vlera akuzës, kur ajo bëhet pa fakte dhe pa prova. Akuzat e rreme dalin shpejt. Ajo që tha Bardhi u reflektua në mënyrën se si reagoi Rama. Dihet që Rama është i lidhur fort me oligarkët, por këta nuk janë oligarkët e Ramës, janë oligarkët e krijuar nga Berisha. Po të dëgjoni në ‘Foltore’ nuk i përmendin kurrë emrat e tyre, i quajnë vetëm biznes i madh. Tani janë biznes i madh, por kanë investime të favorizuara nga qeveria.”- tha ai.
LEXONI GJITHASHTU: