Bektashi zbaton urdhrin e GJKKO, paraqitet në SPAK

Fatmir Bektashi, ndryshe nga Sali Berisha i cili vendosi të mos zbatojë urdhrin e GJKKO-së, u paraqit këtë të hënë në SPAK.

Ai u arrestua me urdhër të Prokurorisë së Posaçme pas kallëzimit të bërë në vitin 2020 nga ministri i Brendshëm Taulant Balla lidhur me privatizimin e ish klubit sportiv “Partizani”.

Bektashi është ortak i dhëndrit të Berishës, Jamarbër Malltezit dhe ndërtues i kullave ne ish-kompleksin Partizani.

Kujtojmë se ish-kryeministri Berisha nuk u paraqit në SPAK sepse siç u shpreh ai nuk mund të lejojë të shkelet Kushtetuta.

Në një deklaratë për mediat, ai tha se SPAK duhet të njoftojë Kuvendin dhe më pas të ishin vendosur masat e sigurisë ndaj tij. Ndërkohë dhëndri, Malltezi është i arrestuar.

LEXONI GJITHASHTU:

• Gjyqi për Malltezin dhe Bektashin, GJKKO tërhiqet për të marrë vendimin
• Masat e sigurisë për Malltezin dhe Bektashin|Shtyhet sërish seanca në GJKKO, arsyeja