Masat e sigurisë për Malltezin dhe Bektashin|Shtyhet sërish seanca në GJKKO, arsyeja

Seanca për rivlerësimin e masës së sigurisë për Jamarbër Malltezin dhe Fatmir Bektashin është shtyrë për në orën 18:00.

Avokatët kërkuan shtyrjen për ditën e nesërme, por gjyqtarët vlerësuan si më përshtatshme orën 18:00 të së hënës.

Malltezi, dhëndri i ish-kryeministrit Sali Berisha u arrestua mbrëmjen e të shtunës në Rinas. Arrestimi u bë me urdhër të SPAK, pas kallëzimit të bërë në vitin 2020 nga ministri i Brendshëm Taulant Balla lidhur me privatizimin e ish klubit sportiv “Partizani”.

Në pranga u vu edhe Fatmir Bektashi, ortak me Malltezin dhe ndërtues i kullave ne ish-kompleksin Partizani. Ndërkohë, Gjykata e Posaçme e Shkallës së Parë për Korrupsionin dhe Krimin e Organizuar, ka vendosur masë detyrim paraqitje dhe ndalim të daljes jashtë shtetit edhe, për ish-kryeministrin Sali Berisha me akuzën e korrupsionit pasiv kryer në bashkëpunim.

LEXONI GJITHASHTU:

• Baçi: Malltezi ka “faj” që është dhëndri i Berishës! 5.4 mln euro fitime jo të tijat
• Prona, apartamente dhe vila në Lalëz, lista e pasurive të sekuestruara të Malltezit