“Beleri i përket drejtësisë”, Xhaçka i përgjigjet Greqisë: Jo çështje e 2 qeverive

Ministrja e Jashtme, Olta Xhaçka ka reaguar pas deklaratave të ministrit të Jashtëm grek, Giorgos Gerapetritis për çështjen e Fredi Belerit.

Përmes një postimi në platformën X, Xhaçka i drejtohet homologut të saj grek, duke i kujtuar se çështja Beleri i përket drejtësisë dhe nuk është çështje as e qeverisë shqiptare dhe as asaj greke.

“Nuk ka mundësi që miqtë & fqinjët tanë grekë të jenë të vetmit që kanë të drejtë, kur këmbëngulin në një kërkesë të rrëzuar nga gjykatat shqiptare dhe të qartë për miqtë e partnerët e tjerë, të cilët thonë se kjo është një çështje e drejtësisë shqiptare. Organet e reja të drejtësisë shqiptare kanë folur qartë me vendimet e tyre dhe qeveria shqiptare ka folur qartë po ashtu: Çështja e betimit të kryebashkiakut të ndaluar nga drejtësia është një çështje e drejtësisë. Jo e qeverisë shqiptare. As e qeverisë greke.

Homologut tim grek për të cilin kam shumë respekt, i kam thënë se për këtë çështje nuk duhet të niset nga ligji grek por nga ligji shqiptar. Dhe sipas ligjit shqiptar, s’ka vullnet politik që e nxjerr zotin Beleri nga burgu apo që fut noter në burg që ai të bëj betimin si kryebashkiak. Me keqardhje po kjo është kështu dhe vetëm kështu”, shprehet Xhaçka.

LEXONI GJITHASHTU:

• Shqipëria merr presidencën e dytë në KS/ Xhaçka: Kohë krizash, moment i rëndësishëm
• Rama në takim me liderët e rajonit, i bashkohet Olta Xhaçka dhe Ilir Beqja