Beleri kërkon 5 ditë lejë për të kryer betimin në PE: Kam kryer 5/6 e dënimit

Të tjera detaje kanë zbardhur për kërkesën e Fredi Belerit drejtuar Drejtorisë së Burgjeve.

Sipas burimeve për Euronews Albania, bëhet me dije se Beleri ka kërkuar leje nga data 15-20 korrik, për të udhëtuar drejt Strasburgut në Francë, atje ku do të mbahet Asambleja e Parlamentit Europian.

Në kërkesën e tij që po shqyrtohet Beleri thekson se ka kryer 5/6 e dënimit, pasi i kanë mbetur vetëm 3 muaj e 14 ditë burg për të kryer.

Beleri thekson po ashtu se gjatë kësaj kohe ka zbatuar rregulloren e burgut, ka marrë pjesë në programet rehabilituese e madje ka kërkuar edhe të punësohet sipas kushteve të IEVP.

Sipas burimeve, grupi i punës që po shqyrton kërkesën ka kërkuar disa dokumenta shtesë si biletat e avionit vajtje-ardhje dhe garanci të tjera.

Kujtojmë se Beleri kërkon të Shkonë në Asamblenë e Parlamentit Europian për t’u betuar si eurodeputet, pasi arriti të fitojë mandatin si kandidat i partisë Demokracia e Re në Greqi.

LEXONI GJITHASHTU:

• Beleri kërkon leje për të shkuar në PE, Drejtoria e Burgjeve mbledh grupin e punës
• Ekskluzive/ Jo Petro Beleri, shqiptaro-amerikani kandidat për Himarën