Beleri sot në GJKKO, Omonia paralajmëron protesta

Në ambientete e Gjykatës Kundër Krimit të Organizuar dhe Korruspionit pritet të mbahet këtë të hënë seanca për shqyrtimin e kërkesës së Fredi Belerit për leje të posaçme nga qelia, në mënyrë që të kryej betimin si kryebashkiak i zgjedhur i Himarës.

Shoqata Omonia ka njoftuar mbajtjen e një proteste në ambientet e jashtme të gjykatës, ku mbështetësit e Belerit do të kërkojnë betimin e tij si kryebashkiak.

Përmes një mesazhi në rrjetet sociale, Omonia u bën thirrje qytetarëve që të marrin pjesë në protestë, që do të mbahet në orën 14:00, kur do të fillojë dhe seanca gjyqësore.

“Himara më 14 maj zgjodhi kryetarin e Bashkisë. Çdo vendim ndryshe nga ai që do populli, është i papranueshëm. Koha që tallja të marrë fund”, njofton Omonia.

Edhe mediat greke bëjnë me dije se se mbështetësit e Belerit do të organizojnë një protestë para SPAK.

“Një tubim njerëzish, përfshirë miq dhe të afërm nga Himara, pritet të jenë jashtë gjykatës për të shprehur mbështetjen për Belerin, i cili ndodhet në burg prej shtatë muajsh”, njoftoi media shtetëror greke ERT.

LEXONI GJITHASHTU: 

• “Babai im është gjakëftohtë”, djali i Belerit flet për gjendjen e të atit në qeli
• Flet për herë të parë për Euronews Albania, djali i Fredi Belerit