Belgjika kundër planit të BE-së për të përdorur asetet e ngrira ruse për Ukrainën

Belgjika ka kundërshtuar planin e BE-së për të përdorur asetet e ngrira të Rusisë për të ndihmuar Ukrainën, duke e përshkruar skemën si “thelbësisht të gabuar” dhe duke vënë në dyshim se si Evropa do ta financojë Kievin.

Në një letër, kryeministri i Belgjikës, Bart De Wever, tha se propozimi shkelte të drejtën ndërkombëtare dhe do të nxiste pasiguri dhe frikë në tregjet financiare, duke dëmtuar euron.

“Këto rreziqe për fat të keq nuk janë akademike, por reale”, i shkroi ai presidentes së Komisionit Evropian, Ursula von der Leyen.

Belgjika pret 183 miliardë euro asete ruse, rreth dy të tretat e aseteve ruse të imobilizuara në perëndim, në depozitën qendrore të letrave me vlerë Euroclear me seli në Bruksel.

Ndërhyrja e De Wever vjen mes presionit në rritje mbi BE-në për të rënë dakord për përdorimin e aseteve të ngrira të Rusisë për të ndihmuar Ukrainën, pasi një plan i udhëhequr nga SHBA-të për t’i dhënë fund luftës vuri në pikëpyetje kontrollin e fondeve nga Evropa.

Komisioni pritet të paraqesë së shpejti një draft teksti ligjor mbi përdorimin e aseteve ruse të imobilizuara në Evropë si bazë për një kredi prej 140 miliardë eurosh  për Ukrainën.

De Wever tha se nuk do ta miratonte skemën nëse nuk do të adresoheshin të gjitha shqetësimet e Belgjikës, duke përfshirë “një garanci të plotë që do të ofrohej nga shtetet anëtare të gatshme” nëse kredia do të shkonte keq, sipas letrës.

LEXONI GJITHASHTU:

• Belgjika në kolaps/ Ndërpriten trenat, mbyllen aeroportet dhe shërbimet publike
• Ndërprerje të shërbimeve dhe transportit, Belgjika në ditën e 3-të të grevave