Bello: Qeveria nuk ndërhyn tek çmimet në turizëm. Soko: Duhet të jetë rregullator

Eksperti i ekonomisë, Pano Soko dhe zv. ministrja e Turizmit, Vilma Bello u përplasën në emisionin Barometri lidhur me çmimet e ofruara nga bizneset që bëjnë turizëm në Shqipëri.

Bello kundërshtoi deklaratat e Sokos se qeveria në fillim të sezonit u ka bërë thirrje bizneseve që të ulin çmimet.

Ajo theksoi se nuk ka qenë asnjëherë qëllimi i qeverisë të ndikojë në tregun, që sipas saj vetërregullohet, por shtoi se qeveria ka kërkuar transparencë.

Sipas Sokos, duhet të jetë lokomotivë të paktën në iniciativë, pasi objektivi i saj është ekonomia e vendit.

“Vija jonë bregdetare është e kufizuar, qeveria shërben si rregullator, jo të ndërhyjë tek biznesi. Pra, qeveria duhet të thotë; mos ma shkatërro turizmin”, u shpreh Soko.

LEXONI GJITHASHTU:

• Plazhet publike nuk frekuentohen sepse s’ofrojnë cilësi, thotë zv. ministrja
• Barometri konfirmon: Pushimet luks për shqiptarët