Bënë twerk mbi varrin e babait hero të rënë në luftë, arrestohen 2 motrat në Ukrainë

Dy motra janë arrestuar në Ukrainë për shkak të një videoje të publikuara në rrjete sociale, ku ato shfaqen duke bërë “twerk” mbi varrin e babait të tyre.

I ati, një hero lufte, ushtar i Brigadës 95 të Forcave të Armatosura të Ukrainës, u vra pranë Izium, në rajonin lindor të Donetskut. Ai është varrosur në varrezat e Dëshmorëve “Forest”, në afërsi të Kievit, vend ku më 24 gusht vajzat e tij u filmuan të bënin kërcime provokuese.

Vajzat filmuan veten teksa kryenin kërcime provokuese mes varreve të ushtarëve të vrarë dhe me flamurin e Ukrainës në sfond.

Pas një reagimi të madh në rrjete sociale, motrat pranuan se kishin gabuar dhe se ishte i papërshtatshëm veprimi i tyre.

Policia bëri arrestimin me akuzën e përdhosjes së varrezave të dëshmorëve, dhe ato rrezikojnë deri në 5 vite burg.

Policia njofton se hetimi në lidhje me rastin vahzdon, ndërkohë që dy motrat, kanë kërkuar falje.

“Unë dhe motra kërkojmë falje. Nderojmë çdo ushtar të rënë për atdheun tonë. Vizituam varrin e babait tonë të rënë, i cili vdiq pranë Iziumit. Për fat të keq, nuk ishte shumë korrekte të postonim këtë lloj videoje, megjithëse nuk kishim ndërmend të përdhosnim heronjtë”, thanë njëra prej motrave.

🇺🇦 Two Ukrainian sisters have been detained for twerking on the graves of their father & other soldiers who died in the Ukraine War. They now face a 5 year prison sentence. pic.twitter.com/cIUqkTQebc

— Siphesihle Mashele (@sphesihle_mash) August 26, 2023

LEXONI GJITHASHTU:

• Nga lufta, në pushime: 23 mijë ukrainas dhe 8000 rusë vizituan Shqipërinë këtë vit
• Ukraina çliron fshatin e rëndësishëm, Moska arreston 2 rusë për spiunazh